بنطلون الخباز الايراني

أفا .. أفا بس هذه نهاية الموضة عندنا بنطرون/بنطلون خباز ايراني.. مخطط أسود بأبيض انا من زمااااااان كنت ابي اتكلم بالموضوع والآن لقيت الفرصة .. يعني بفهم شنو الحلو بالشكل ؟ وايد شفت بنات لابسن هالشكل ولا وحده فيهم لايق عليها لا على ضعيفه لا على متينه لا قصيرة ولا طويلة .. كلشششش, هو الشكل الوحيد إلي ماينفع بتاتا يلبس تعرفون ليش؟ لأنه الزي الرسمي للخباز ايراني ليس تقليلا من شأن الخباز الايراني بتاتا لكن حفاظا على زي المهنة عنده لا تنافسونهم عاد خلوهم يتميزون بالزي الرائج  بينهم يعني من بد الموديلات والأزياء حطيتوا عينكم على بنطرون الخباز الايراني هالمخطط..زين شفي ملابس مطعم كنتاكي ولا ماكدونلدز إلي تحبونهم برضو تغير يعني .. ولو نرد بالماضي أكثر وأكثر راح تلاققون هالصورة

أجل أجل انهم السجناء .. مخطط أبيض بأسود يعني حتى هالسجناء الحبساء داخل الزنزانة هم نافستوهم على زيهم التقليدي..ماينفعش الكلام داه خالص.. اوكي هي صارت موضة عند الغرب عاد مو كل شي يصير موضه عندهم يصير موضه عندنا , زين متى يصير هذا موضة

يا خوفي انه صار موضة وانا مالاحقت .. اتوقع عادي جدا لو يصير موضة بالغرب ان البنت تحط على راسها جيس جمعية ملزق فيه وايرات جذيه ابتيكس هم عادي تصير موضة عندنا..واااو طالع شكلها جيسها من جمعية كشخة ولا الوايرات صايره الوان مو أنا لونين بس ..  أمبيه وين جيسي ميري وين وديتي جيسي مال جمعية ياربي شلون بطلع الحين بدون كشختي ... ههههههه متى تصير موضة عشان جد جد ابي اضحك من زمان ماضحكت ..  حوار تخيلته من المستقبل وراح يصير مضحك جدا المستقبل اذا استمر على هذا الحال..لبسوا وتكشخوا حبيباتي لكن بعقل وبحدود عشان الله خلق لنا النظر والنظر عندنا صاير يتعب يوم ورا يوم شذنبها عيونا نشوف سجناء و خبازين طلقاء في المجمعات والدوام والشارع