ضيوف جدد في حياتي

من فتره كان بخاطري اشتري ورود واحطها على دريشة غرفتي عشان الواحد عالصبح يشوف شي حلو جميل وتم بحمدالله ذلك .. الوان الورود وحتا حركتها البسيطة مع الهوا بالفعل لما يقولون تتأمل في حركتها اي والله .. كان عبالي مجرد كلام اي حاقه لكن بعد التجربه الشخصية, الورود شي جميل بالفعل تصير جزء من حياتك تهتم فيها تعطيها ماي كل شوي إطل بويه الوردة لما تلوع جبدها من ويهك.

لما رحت للمشاتل بغيت اخم كل إلي موجود.. الوان الورد مع بعض اصفر, احمر,وردي,برتقالي,بنفسجي و الالوان المتداخله مع بعضها لما شفتها حسيت اني دشيت المسلسل الكرتوني مدينة النخيل مادري ليش ههههه بس عطتني شعور رائع حسيت بطاقة حلوه تنبعث * متعوب عليها تنبعث * من كل مكان, احترت شختار اشتري المحل ولا اكتفي بوردة وحده جان اروح لأبوي واحن احن عليه لما وافق وعطاني 20 الف دينار وشريت المحل كله .. شسوي احنا عائلة غنية ..لا تصدقون آل حنيت آل .. انا حنيت ايدي عشان كان عيد ههههه المهم ترى صج كان وقتها عيد الأضحى بس ماحنيت ايدي .. ماعلينا وين كنا ؟ ايييه بسالفه اشتري وردة ولا احن على ابوي يعطيني 20 الف هههههه لا صج هالمره, ادري لقد مصختوها ,,ومن ثم يا اعزائي يلي تقرون قصتي إلي مالها راس ولا صماخ..اخترت 11 وردة كل وحده شكل ونوع وخليت اخوي الموقر يختار آخر وحده عشان كان موديني وتعبان وحالته حاله, عاد لما اختار وأشر عليها بغيت اقول له لا خلاص هونت مابي على ذوقك بس سكت وابتسمت غصبت وانا اقول : " ماشاءالله حلوه " شسوي اخوي .. وهذه بعضا من صور الورد الجميل الرشيق :

هذه الحمرا إلي اختارها اخوي

.

.

.

صورةجماعية لدريشتي العزيزة و ضيوفي الجدد