يعجبني بروسيين ان عليهم هدوء وبعدين هووبااا يطلعون لنا بشغله حلوه..شوفوا يا اعزائي, شركة يوتا الروسية قررت انها تتجه لإنتاج أول هاتف بشاشتين يحمل جيل الفور جي بنظام الاندرويد 4.2
الشاشة الأمامية حجمها 4.3 انش ال سي دي 1280×720 واضحة وسهله الجهاز مميزاته:
1.5 GHz - 2G RAM - camera 12 Megapixel - Memory 32 GB
ونفس الشي مع الشاشة الإضافيه الحجم نفسه ولكن نوع الشاشة هو
E-Ink
E-Ink
وممكن للمستخدم انه يشوف المسجات, أخبار , الطقس, الصور ,الوقت والتاريخ , او حتى اذا كان في تنبيهات مسجات مكالمات و التطبيقات إلي راح تدعم هذه الشاشة الخلفية وأهم شي راح تقدر تستخدم الخريطة بعد من الشاشة الإضافية.
الحلو بشاشة الإضافيه انها صممت عشان توفر وايد طاقه من البطاريه.يعني مايحتاج تبطل الشاشة الامامية وتستهلك من عمر البطارية عشان تشوف بس منو متصل عليك او ترد على مسج سريع نظرا لأن كفاءة الشاشة الامامية أكثر من الشاشة الإضافيه..عرفتوا شلون الحركة حلوه
راح ينزل الجهاز في الربع الأخير من عام 2013 .. مادري ليش احساسي يقول انه مراح انشوف رقعه ويهه لكن يظل موبايل يديد بفكرة حلوه ومنافس للجلاكسي والأيفون !!
الفيديو إلي فيه الموبايل
No comments:
Post a Comment