أبل تخيب آمال محبينها

مثل ما انتوا عارفين أصبح هاليومين هالسامسونج - جلاكسي اس ثري - بيد الكل والجميع , كل شوي أحد شاري لنا هالجهاز او النوت تو اللي نزل وراه .. ما انكر ان الجهاز حلو وقوي وفيه مميزات وايد حلوه لكن مادري ليش هالجهاز بالذات ماطيقه يعني اوكي شاشه قوية اللمس فيها سريع التطبيقات مناسبة * مو أفضل طبعا من التطبيقات إلي موجوده على التفاحه* لكن تظل تغطي المطلوب وإلي المحتاجة المستهلك 

إلي حبيت اقوله ان شركة أبل غلطت غلطة العمر لما فاجئتنا بتلفونها الأخير ايفون فايف كان جدا مخيب للآمال شكلا  ومضمونا .. أول شي كل التوقعات كانت تقول ان شي اكيد الشركة و أخيرا راح تقرر تغير بشكل تصميم الهاتف اليديد وحطوا الناس تصورات وصور وإلي صمم و إلي نزل فيديو, الناس قاموا يقولون الهاتف ايفون فايف بكون فيه كاميرتين عشان تصوير ثلاثي الأبعاد والشاشة تتمقط وتتعرض وأقدر اضغرها واكبرها .. المهم تصورات وخيالات خارقه تصوروا انه  بينزل جهاز خارق.. ولكن نزل لنا

ايفون فور بس مسوي عملية تمقط ,جدا مخيب للآمال.. انا كان عندي ايفون فور بغيت اشتري فايف ولكن حسيت ان مافي أي اختلاف شجعني على اني اشتريه..الشاشة أكبر بالحجم شويه أوكي الجهاز صار سريع انحف والوان الشاشة اقوى لكن سرعه الفور وقوتة حلوه  وحجم شاشتة مناسب..الشي إلي توقعته بالفايف انهم راح يلغون دقمة الهوم , بالإضافة إلي انهم راح يخلون لنا الحرية أكثر في تصميم الواجه الرئيسية مو بس مصفوفة البرامج وخلاص احيانا نحن البشر نزهق من الروتينية والثبات نبي تجديد نبي نصمم الواجهه على كيفنا وهذا الشي إلي لقيته بموبايلي السوني اكسبيريا آي اوو إن

Xperia ION

جهاز حلو وسريع لكن للأمانه أحيانا يعلق وهذا الشي إلي يواجهونه مستخدمي انظمة الاندرويد ولحد يقولي جهازه مايعلق أصحاب الاندرويد لأنه يعلق شي معترف فيه دوليا وعالميا ومحليا وبين كل الشر ههههه وايد اندمجت..المهم احتمال اخصص موضوع خاص عن سوني اكسبيريا واحتمال لأ يعني على  حسب حاله البحر اذا كان مد أو جزر

*ملاحظة يجب ان اقولها: اجهزة ابل ماتعلق نهائيا كثر أجهزة الاندرويد*

وعالبركة لشركة سامسونج لأنها أصبحت الحين الشركة الرائدة و الأكثر مبيعا لأجهزتها في عام 2012 واتوقع راح تقعد على عرش المرتبة الأولى لسنة جدام واذا استمرت بإبداعاتها وابتكاراتها راح تصير الوحيدة بلا منافس أهم شي لا تتبع خطة شركة أبل بتخيب آمال محبينها