متى تنزل بأسواقنا السيارات ذاتية القيادة

اليوم قريت موضوع عن السيارت ذات القيادة الآلية بالفعل بديرتنا الكويت نحتاج إلى سيارة آليه عشان يحطون لنا بسستم محد يعدي ال120 ياسلام الكل يمشي بسلام كل واحد قاعد مع العايلة متكي سوالف وجاي الأب والأم والعيال بسيارة مجابلين بعض والسيارة هي إلي تسوق بروحها أصلا عدد السكان راح يزيد وعدد الوفيات بقل بشكل كبييير جدا كل يومين خبر واحد مات بحادث ولا بدهس انالله .. بس ترى صدقوني جد حلو هالاختراع أبيكم تتخيلون معاي اليوم شريتوا سيارة ذاتية القيادة أول شي مراح يحتاج إنك تروح لدوام وانت فيك نومه عادي ممكن تكمل نومتك بسيارة عندك ساعة مشوار مع الزحمة يعني يطلع لك بو 40 دقيقه نومه حلوين جميلين بس عاد ما أوصيكم مو العيون ممورمه والصوت جبلي هههههه ضبطوا عمركم خلوا يمكم بطل ماي, ثاني شي لاتعب عمرك هندي جدامك مصري وراك شاحنه يمك انت خل السيارة إلي تتوهق بروحها واستمتع بالحياة ويقولون بسيارات الآليه بحطون ريل صناعية طولها 4 متر وحده جدام وحده عالجوانب عشان اي أثول مايعرف يسوق بروحها السيارة ترفصه سواء كان جدامها او كان على جانبيها فأنت لا تحاتي هي ستقوم بجميع مهام السائق الكويتي المثالي, 

الحين عاد نتكلم جد .. ممكن تطبيق السيارة الآليه صعب خصوصا أن للحين الكل يسوق سيارات يدويه ممكن لو كانت المنطقة كلها  عندهم سيارات آليه هنيه ممكن تطبيقها لأن راح يصير في جهاز استشعار في كل السيارات الآليه مثلا بين كل سيارة وسياره لازم يكون  في متر ونص مسافه أو لما تلف لازم تتعرف السيارة على جهاز الاستشعار الموجود بسيارة الثانية عشان توخر عنها و ماتصطدم فيها وأشياء مثل جذيه  .. هنيه ممكن تطبق .. عموما فكره القيادة الآليه و أن الواحد صار مجرد من التحكم فيها فكره تحفها الخطورة او مخاوف ممكن نعتمد على التكنولوجيا بأمور وايد بحياتنا لكن بسالفه الشارع هنيه صعبه لأنه فيها حياة وموت مثلا تعطل السستم والبريك موراضي يشتغل أو السيارة موراضيه تلف يمين هنيه إلي داخل السيارة ما أوصيكم 4 مرات طقوا اصبع مع طقتين رقبه وانشاءالله الدنيا بخير .. ههههه بس لاتحاتون اهم بحطون تحكم يدوي بجانب التحكم الآلي عشان مثل هالحالات بس الخوف ان الثقه بين الناس تنتشر ويصير تصنيع السيارات بدون القيادة اليدوية ساعتها اتوقع راح تكون كفاءة عمل السيارات أكيد أقوى لكن هم يظل الجانب اليدوي بسيارة ضروره في حالات خراب السيستم .. 

وأحلى شي في سالفة السيارات ذاتية القيادة انه لن نرى شنكر وكومار وربعه :) انها السعادة بعينها وعلموها