مدير شركة في الصين يخلي موظفينه يزحفون في الشارع

في أحد شوارع الواقعه في الصين بمدينة "تشونغتينغ" طبعا ادري ان اسم الشارع محد قراه ولا أصلا أحد له نهيه يرد يقراه عدل ما ألومكم أعزائي القارئيين ذكروني مره ثانية ما أحط اسماء معقدة, نرجع لموضوعنا الأساسي هذا المدير النذل الواطي قام وخلى موظفينه يمشون في الشارع زحف أمام الماره والناس العالم تفاجأ من هالمشهد وعصبوا الناس ليش تخضعون له ومنو سمح له يسوي هذا البعض صورهم وكتب عنهم في مدوناته في الصين والبعض اتصل على الشرطة والشرطة ماسوت شي بس قامت وفرقت الموظفين الزاحفين وردتهم الى داخل عملهم..انتشر الخبر في الصحف الصينية واستاءوا *مادري اذا كتبت استاءوا  صح ولا خطأ المهم وصل المعنى لكم* ليش الشرطة ماقمت وقاضت المدير النذل أو عالأقل عاقبوه, بعدين تبين ان مدير الشركة سوا جذي بموظفينه عشان يعرف مدى قدرتهم على الصمود وتقبل الاهانه عشان يعرف يستغلهم لأقصى حد ممكن في العمل. من المعروف ان الصين لديها بيئة عمل غير انسانية لكن هذه الحادثة تخطت كل مستويات الاعبودية المعروفه