القاري الطائر - وداعا يا راعي البرد الأرضي

شوفوا هالفيديو  وتعالوا نتناقش في هذا الموضوع

أوكي شفتوا الفيديو..انا اول ماشفته طرى على بالي اول شخص هو هذا

الحين اذا وصل له هالاختراع شلون بكون وضعه يعني بكون راعي البرد الطائر هو ويا عربانته ولا القاري يطير هو بروحة والعربانه تحت وكل ما وصل له طلب يقوم  يهبط من على القاري محيرني هالموضوع..المهم..ايام قبل كان راعي البرد ينادي بالفريج " بريييييييد برييييد" زين الحين شلون بكون وضعه  نظرا لأنه بكون لابس خوذه عشان الأمن والسلامة ومراح يقدر يطلع صوته البعض هالأيام قام يحط جرس بس حتى لو ناخذ بالإعتبار الجرس شلون مع صوت المراوح الأمامية والخلفيه مراح يطلع صوت الجرس البسيط ... همممم راح  يواجهه اول عرقله بس محلوله من نفسها شلون؟ انا اقول لكم شلون الحين هو قاري طائر يعني اكيد بكون على مستوى نظر الدور الثاني من البيت يعني وانت قاعد بدارك بتشوف راعي البرد مر من يم دريشك وهذا شي حلو وااايد يعني اذا اشتهيت برد فضة إلي هو البرد المفضل لدي مراح يحتاج انزل واطلع له لشارع او اروح اطقها مشوار حق الجمعية عشانه انحلت المسألة تماما هو بزيد ربحة نظرا صار يتعامل مع اصحاب الدور الثاني و انا كمستهلك مراح يكون لي خلق اطقها درب للجمعية عشان برد وبتكيسل وبشتري من عنده..لكن تواجهنا مشكلة اجتماعية كبيرة , ماذا عن الأطفال إلي راح ينحرمون من مشاهدة وسماع نبرة راعي البرد إلي كل الأجيال مرت عليهم يعني خلاص لامزيد من اليهال إلي يبجون بشارع عشان راعي البرد لامزيد من اليهال إلي ينطرون برى بشارع وبيدهم فلسات خاش من مصروفه عشان هالبرد لا مزيد من اليهال الحفاي ويركض على القار عشان راعي البرد متحمل كل درجات حرارة الشارع الساخنة:\ لأ لأ انا ارفض هذا الاختراع رفض تام راح يحطم أحلام وراح يحطم ذكريات المفروض تكون من نصيب يهال الجيل القادم انا ارفضة وارفضه رفض قاطع..خلك ياراعي البرد على الأرض لا تطير والنبي والنبي ماطيرش يا باشة سيبك على الأرض متواضع .. وادري ماعندي سالفه اسولف بالموضوع و ادري انتوا ماعندكم شغل جان ماقريتوا الموضوع من اساسه هههههه يا حليلكم فراغه حده شعب فارغ من جميع النواحي عاطفيا جيبيا ماليا بانزينيا ثلاجيا مطعميا إيييييه يا زمن .. عاد على طاري المطاعم شخبار مطعم كلحة عليهم فلافل عجيبة اذكر لما كنت اروح معارض مشرف .. هاااا اندمجتوا هااا ههههه يلاااا بروووووو مالي خلق اكتب اكثر تعبت سلام