طيران الامارات ابدع بكل ماتحمله الكلمة من ابداع قام واطلق طائرة إيرباص 319 لتشغليها كطائرة خاصة للعائلات وكبار الشخصيات ورجال الاعمال فقط..يا سلام عالرفاهيه يعني انت والعائلة الكريمة تروحون بروحكم بكل رفاهيه وخصوصية وطبعا الطيارة موفرين فيها جميع سبل الراحة والرفاهية
الطيارة هذي الله يسلمكم فيها انترنت وبلوتوث وايباد بالاضافه الى تلفزيون إلي موجود في صالة الطائرة الأمامية أجل أجل وبعد موجود التلفزيون في كبينات المقاعد الخلفيه طبعا يبثون لكم قنوات عالمية مباشرة مو نايلسات وعربسات هالأقمار الكئيبه عشلون عيل شغل مضبوط أصلا هالنوع من الطائرات والفكرة ان كعائلات فقط الأولى من نوعها بالاضافه الى الرفاهيه الراقيه اللي تحتويها هالطائرات
تتكون الطائرة من قسمين جزء امامي واللي فيها صالة او مجلس فيه تسع مقاعد و جزء خلفي وفيه عشر مقاعد على شكل كبينات وممكن اذا تبي تمدد رويلاتك وتاخذ لك نومة عادي المقاعد الخلفيه تتحول لسرير افا عليك بس مفكرين بكل شي هالناس مخ تجاري يشتغل صح..ويقدر هالإيرباص319 انه يطير ل8ساعات متواصلة اي بما يعادل 6115 كيلومتر
No comments:
Post a Comment