أفكار راح تخليك اطق على جبهتك وتشعر ان مخك مهلبية بالفستق

قبل لا تروحون لصور دعوني اسرد لكم انني في حاله صدمة دماغية, بعض الافكار يت على بالي لكن الكثير من هذه الصور شككت في قدرات مخي المتواضعه في كل صورة اشوفها قاعده اقول بيني وبين مخي

 ويشششششش ذيسسسس

 ايواااان بدل ما تستخدمون السكين و يلزق فيها بقايا من الكيكة وكل شوي تمسح السكين عشان تقدر تقصها عدل و ماتنقص معاك وتقعد بس تفقص بالكيكة وانت تقصها..بذمتكم فكرتوا بالخيط والنبي أووولوا الحئيئة*بالمصري*لم ولن ولا تطري على مخوخكم

 تبي مثلا تقص عنب او حبات صغيرة من اي شي ييب سطح مستوي وحطهم عليه مثل اللي بصورة وييب سطح مستوي ثاني وحطه فوقهم ومع الجوانب بلش قص ..وبعدين طق نفسك 3 بوكسات و5 طقات رقبه و ربع 

عشان لاتتهاوشون كل يوم منو يحط وجبته قبل الثاني بالمايكرويف 

ويش ذيس ماجيك ×_×

تبي تطلع للنادي او اي مكان ومعاك بطل ماي بارد,قوم عب بطل الماي للنص او اقل وثم سدحه ودوس ابطنه..لألأ موصج ادوس ابطنه بس سدحه جذي و بالفريزر ومتى ماتثلج راح يصير عندك صوب مثلج وصوب فاضي..الصوب الفاضي اترس فيه ماي عادي على درجة حرارة الغرفه وبصير عندكم ماي بارد,,فهمتوا الأكشن بالسالفه ولا اشرح اكثر..لأ بعد قولوا ماعرفتوا لأ بليز قولوا ترى فيني هوشة عادي

 هالطريقة ممكن تسوونها وفي طريقه اسرع حطوا البيتزا على ارضية سيارة الكرسي الامامي وخلاص بلا بطل بلا بطيخ

 ماحبيت هالفكرة بس قلت يمكن احد يحبها

و احنا حالتنا حاله نفتح الكرتون ونقعد نصفف الكولا حبه حبه بالثلاجة..ماكنت ادري الحل بالبوكس

شلون تسوي قهوة مثلجة مع اوريو 

تعرفون أيسكريم
Ben and Jerry
الذيذ اوي اوي في حاله كنت شاري علبه وحده ويا واحد غثيث وقال يبي منه, لا تبطله وبالقفشه واطباق ومادري شنو..بس المطلوب منك سكين وقصه بالنص ويفضل تقص بحيث يكون قسمك اكبر من قسم الغثيث اللي مناشبك عليه واجلب القفشه=ملعقه وابدأ شغلك

مو كله تعاني لما تحط العود يقوم ينط لي برا بالمشروبات الغازية..حطه بالفتحة هاذي وراح يثبت مكانه

مادري شحقة هالفكرة بس ممكن تنفع حق سوالف الزينة ومادري شنو