عالجرح - صور انواع المصورين في الانستقرام وشخصيتهم

طبعا مع انتشار التصوير في كل مكان بسبب تطبيق الانستقرام المشهور..الواحد قام يصور كل شي حتى الدلاغات,أصلا منو كان متخيل في يوم من الايام الواحد بيعطي لايك على دلاغ, تبا لغدر الايام.. المهم هذه صور تم التقاطها لأشخاص يصورون في الانستقرام..عاد كل واحد ومسوي لي فيها يعنني انا الفوتوغرافي المصورجي اللي أميل الكاميرا على زاوية اعطيها اللقطة اللي هييااا..اقول نام وتغط عدل  بس

.

.

 المؤدب إلي يصور بهدوء بدون مايبي حد يعرف وغالبا مايكون بروحه بالمطعم او على آخر الطاولة محد معطيه وجه

 الاب اللطيف اللي عنده هوايه التصوير ومو هامه الناس  اللي حواليه

السعداء اللي الحياة حلوه وين ماتقطهم يضحكون

اللي حتى ما مسك طبقة يعني انا اللي بصورها من موقع الحدث

احنا ناكل آيسكريم احنا أصدقاء لطيفين ونحب نمشي عالبحر

The Cool Guy

إلي ياكل بس فواكه وخضروات وطيب

صغيرة العائلة الدلوعة اللي شرى لها ابوها كاميرا يديده ووين ماتروح تصور فيها لأنها تحس نفسها مصورجيه محترفه,وكله شهر وراكنتها بالكبت مغبره

إلي نسى يصور صمونته قبل لاياكلها,, بس هم مُصر يصورها يعني مسوي حركة

 اللي يتعشى تالي الليل بس يحاول يسوي شي صحي مع اظهار جزء من جهاز اللابتوب والأوراق حوالينه يعني هو حده تعبان ووراه شغل 

اللي يصور صور خايسة ويحط تأثير على الصورة الغلط وبالنهاية تطلع الصورة باهته ويحصل لايكات أكثر مني ومنك .. تبا

 المحترف الخطير اللي يبي يصور كل شي كامل من جميع الزوايا

الاجتماعي الهادي اللي ينضغط كل ماصور شي ,بس موهامه لأن عنده فوق الألفين متابع على الانستقرام وربعه حاقدين عليه 

 

اللي مايحط تأثيرات على صورة لأنه هو محترف كفايه بأن يعرف شلون يصنع تأثيرات من الاضاءه والظل..هذا اللي بذات ما احب اعطيه فلو لأنه مغرور وينتهي به المطاف ناسي باسوورد حسابه عالانستقرام ويقول أصلا البرنامج سخيف ويقعد على 4 فالورز بحسابة اليديد

 اللي بايعينها ويروحون كل مكان وكله شغلهم قروبات ونحن السعداء الى الابد..ويصورون بعض بدون مايقولون بنصور عشان تطلع يعني الصور عفويه

 اللي يحب يصور الشغلات اللي فيها الوان واضحة وحلوه وبالنهاية يحطها بتأثير الابيض والاسود .. هدوني عليه انا مراح اطقه انا بس بطعنه بالنعال

ذلك الصديق اللي كله يعني ضابط زاوية الصورة وكله وخروا شوي شيل هذا عشان يبي الصورة تطلع احترافيه وبالنهاية ماله خلق ينقل الصور من الكاميرا الى الموبايل وتعفن  الصورة بالميموري كارد وينساها 

 اللي كله هو او هي ويا صديقه المقرب بس يقعدون بالكافيهات واذا راح رفيجه وانتوا بكرامه للحمام يقوم الثاني القاعد يصور طاولتهم الوصخة ويسوي حركة الحبتين 

 إلي على بالك هو مصور على الطاولة وتطلع الارضية .. وكله يصور اكل بس

اللي  ماخذه بريك عشان تتريق ومصورة هي ويا رفيجاتها بمكتب وحده طالعه اجازة وعافسينه عفاس

 اللي بس يصور لما يسافر

اللي كاميرتها قديمة بس للحينها تعرف تصور صور حلوه فيها.. وتخلي كاميراتها دايما بسيارتها  

 اللي يصور صور روعه بس مايحط صور وايد بحسابه على الانستقرام إلا مره كل خمس شهور

إلي يسوي نفسه هو ظريف الانستقرام ويحب يصور شغلات غريبة  وتعليقاته سخيفه

اللي مادري شسالفه امهم؟!! ويش ذيس 

اللي انا كل وقتي برى البيت..وصوري تحكي يومياتي وماتحط تعليق على صورتها واذا أحد علق على صورتها اطنشه 

.
.
عاد انتوا هل تحسون ان اللي قلته صج موجود عالانستقرام,وهل شخصيتكم موجوده من بين اللي قلتهم, وهل تعرفون أحد جذي ..  اتحفوني بتعليقاتكم بضحك عليكم  اقصد بضحك  معاكم هههههه وشكرا عفوا جزيلا خطيرا باجر الصبح الساعه 8 بالليل جاو