ردة فعل كبار السن والشباب وهم يلعبون لعبةflappy bird

Flappy Bird

هي لعبة موجودة على اجهزة الايفون والايباد والاجهزة اللي تشتغل على الاندرويد

قاعدتها بسيطة جدا الشخصية هي عصفور اصفر ويمر بأنابيب, بس طق بأي مكان على الشاشة وكل ماطق اكثر

 كل ما يطير العصفور فوق اكثر..بس هذا هي اللعبة,بسيطه صح! لكن الصعوبة هي شلون توازن بين الطيران والنزول عشان تقدر تمر مابين هالانابيب

هنيه عاد يصير بطت الجبد ورفع الضغط وشد الاعصاب

أول ما هبوا فيها الناس انا مانزلتها واصلا ما اهتميت لها من الاساس
,بس بعدين قلت بنزلها وبشوفبس مجرد تجربة
 نزلتها اول شي على الايباد وبلشت اول خطواتي اني اصلا من اول شي اخسر

وطبعا ماتحملت الفشل عاد من اول اللعبة وقلت راح بس اخطي جم انبوب واصك اللعبة

لكن اكتشفت اني قاعدت عليها ساعه كاااملة وانا العب!!!

يا الهي ماذا يحصل هنا ماذا حصل لي..صرت وحده من اللي يصارخون ويتنرفزون بدون ما احس

ههههههه المشكلة ان اللعبة يالفعل تشدك وتخليك في كل مره تحاول تكسر السكور اللي انت وصلت له من قبل يعني تلعب ضد نفسك

ماطول عليكم الحجي

.

.

للي يبي ينزل اللعبة ترى اللعبة سحبها صاحبها من الابستور..يعني غير متوفرة للي مالحق عليها من قبلونزلها
 لكن للي كانت عنده ومسحها ويبي ينزلها مره ثانية راح تكون متوفرة له
^_^حركة نذالة ها معلش

هارد لك..مره ثانية لما يهبون الناس بلعبة نزلها احتياطي وعقب امسحا يمكن يصير فيها نفس ماصار بـ

flappy bird

.
.

وهذا فيديو ردة فعل الشباب وهم يلعبونها

.

.

فيديو ردة فعل الشياب