ليش احب الجاي حليب همممم ألا انه سؤال سئله لي الكثير الكثير هههه شوفوا الجاي حليب شي جميل بالنسبة لي يعني لما اقعد الصبح مافي آحلى من الجاي حليب على اول الصبح جذيه وانا صراحه احط معاه عسل عضوي طبيعي بدل السكر المكرر الابيض او السكر الأسمر نكهته مع العسل شي خيااال *على الأقل بالنسبة لي* لكن بشكل عام منو مايحب الجاي حليب عدد قليل جداً إلي مايحبونه, انه المشروب الكويتي الأصلي طبعا يا لنا من الهند ايام زمان..ومايعلى على الجاي حليب الهندي يعني اذا بروح مطعم هندي جذيه كحيان شكل المطعم من برا مكركب مسكرب اعرف ان عنده احلى جاي حليب بالعالم هههه مادري ليش المطاعم إلي شكلها من برا خرابه أكلهم لذيذ وشغلهم مضبوط .. ماعلينا المهم الجاي حليب داه يا سعت البيه حاقه ماحصلتششش , يعني ممكن نضيف للجاي حليب الهيل او الزنجبيل لكن عاد ياااا سلام لو نضيفهم مع بعض في كوب واحد يصير حفله تعارف وكرنفال تتخالط النكهات مع بعضها وتعطينا احلى مشروب بالعالم :)
خل احط لكم بعض من صور الجاي حليب حول العالم خل اسحركم بهذا المشروب اللذيذ المجكنم الرائع .. المجكنم شكو هههه المهم الصور أهي :
انه العذاب بعينه *__*
طالعوا الاحتراف في صب الجاي حليب ولي ورا ناطرين على
احر من الجمر..بس إلي لاحظته ان الهندي لون شعره متدرج
من رصاصي غامج من الخلف إلى ابيض عند القذله
يا راعي القذله يا مشيبني *_*
جدر جاي حليب وينه وينه عني هذا .. اطب فيه غواصي اخليه
غداي وعشاي جاي حليب
عشلون عيل جاي حليب آيس مو بس آيس تي يعني
هذه الله يسلمكم قهوة الهنادوة يعني جاي حليب الضيافه
ويهه وهو يشرب الجاي حليب تحسون عيونه تقول :
انا اعشقه انا اموووت فيه انا احبه يا قدعاااان.
بس قاعد يفكر بشي ياتُرى ما هو ههههه *فضولية
انها الثقة والاحتراف والمهارة العالية
هذا الرجل احسن من إلي يشيل اثقال
صب الجاي حليب عن بُعد يقولكم يزيد التركيز
يحسن من آداء المخ ويزيد الثقه بالنفس واحلى شي
ان انتوا مصدقين إلي قاعده اقوله هههههه
كم انتم صيده يا حوليلكم حوليلاه
وأخيرا لا تنسون إلي يحبني يعزمني على جاي حليب مهيل متزنجبل ..
وكوشرا = شكرا
No comments:
Post a Comment